EVA- EDIXGAL¶
Curso 2021-22
Esta é a páxina de axuda na que poñeremos recomendacións, guías e ligazóns a recursos para traballar no Eva - Edixgal.
Documentos para descarga:
Folleto para o alumnado (2 por folla)
Primeira vez con EDIXGAL?¶
Os centros participantes en EDIXGAL proporcionan ao alumnado ordenadores portátiles con acceso a internet. Isto permite acceder á plataforma Eva na que están os libros de diferentes materias. Tamén é posible acceder a outros recursos e mesmo engadir e crear contidos e actividades para o alumnado.
EVA: o libro dixital¶
Para acceder ao libro dixital iremos a eva.edu.xunta.gal .
Acceso do profesorado
O profesorado accede empregando usuario e contrasinal do correo da Xunta.
Acceso do alumnado
O alumnado empregará as credenciais que aparecen no apartado Credenciais do alumnado dentro do EVA e que pode proporcionarlles o titor/a ou o profesorado en xeral en calquera momento.
O EVA é unha aula virtual semellante á que temos no noso centro, pero cambia o aspecto e algunhas opcións . Nela podemos cargar o libro da editorial que elixamos e poñelo á disposición do alumnado. Tamén podemos engadir recursos e actividades Activando a edición exactamente igual que na Aula Virtual do centro.
Operacións básicas no EVA ao iniciar o curso¶
Resumo de acccións para iniciar o curso
- O profesorado escollerá a editorial e cargará os libros das materias que imparte.
- O titor/titora proporcionará as credenciais de acceso ao alumnado.
- O titor/a informará ao alumnado do coidado e uso axeitado do equipo.
Podedes consultar a seguinte documentación:
https://www.edu.xunta.gal/centros/abalar/aulavirtual/course/view.php?id=89
É de especial importancia a consulta dos apartados:
- 1 Introdución a EDIXGAL (completo),
en especial o apartado 1.4 para cargar e facer visibles os libros para o alumnado.
1.4. Incorporación xeral de contidos e recursos á materia
- 2. O meu escritorio é importante consultalo pero en especial o apartado 2.5:
2.5.Xestión de credenciais para proporcionarlle ao alumnado o usuario e contrasinal para acceder ao EVa.
No caso de que o alumnado esqueza o contrasinal teremos que restaurala...
1. Dámoslle a **Restaurar credenciais** 2. O contrasinal aparecerá visible onde están os asteriscos.
- 3. EVA offline tamén é de interese en xeral para o inicio do curso.
Podedes ampliar e profundar moito máis en:
A carga inicial do libro de cada materia é necesario facela ao inicio do curso para que poida acceder o alumnado.
Os pasos para facelo están en 1.4. Incorporación xeral de contidos e recursos á materia . Resumindo serían:
- Teredes que ir a As miñas materias, á esquerda e seleccionar a materia correspondente.
- Escolle a editorial que queiras activar para o alumnado nas pestanas superiores.
- Dentro do libro da editorial escollida marca Seleccionar todos
- Na parte inferior dos temas do libro dálle a Sincronizar -Espera un minuto e terás o libro preparado. Pero TERÁS QUE POÑER VISIBLES OS TEMAS que queiras para o alumnado.
- Na dereita en Administración escolle Activar a edición
- Vai ao tema que queiras poñer visible para o alumnado e na parte superior dereita dalle ao ollo onde pon Show topic.
- No mesmo tema, un pouco máis abaixo, activa o ollo para Amosar a versión do tema para o alumnado.
- Os temas visibles para o alumnado estarán no menú que aparece dándolle á icona do cartafol da barra azul da esquerda onde pon Temas da materia.
REPITE ESTA OPERACIÓN PARA CADA MATERIA
No caso de que o alumnado non poida ver os temas do libro que están activados no ollo, vai a Editar a configuración (na columna dereita) e escolle en Formato a opción Formato dos temas. Garda esta opción dándolle no botón inferior.
Incidencias e recomendacións¶
Teléfono de soporte e servizo técnico para familias e alumnado: 881 86 99 00
Teñen que que chamar en caso de:
- O portátil non acende nin con cargador nin con batería.
- A batería non carga.
- Estragouse e xa non funciona algo no portátil.
- O Touchpad non move o punteiro e/ou non fai click e non pode premer en iconas ou no menú. (Pode conectarse un rato nun porto USB para seguir traballando)
- O portátil acende pero non sae nada na pantalla, ou queda negra ou vese a raias...
- Caeu ou levou un golpe e rompeuse algo (a pantalla, a carcasa ou calquera outra cousa)
- Noutro tipo de incidencias ou mesmo nas anteriores poden/podedes mandarme unha mensaxe coa incidencia a marey en cpisansadurnino.org por se fose algo que poidese ter solución sen chamar ao servizo técnico.
Seguro voluntario
A Xunta está a proporcionar un seguro non obrigatorio a 49€ por curso para cubrir posibles incidencias que pode solicitarse no teléfono 881 505 136. +Info no folleto para as familias.
Coidado dos portátiles¶
Hai que concienciar ao alumnado de que o portátil é delicado e que se non teñen coidado e o estragan ou rompen terán que asumir o gasto da reparación. E non é nada barato...
Teremos que insistir en:
-
Transportar sempre o portátil na funda correspondente, mesmo se teñen que cambiar de aula.
-
Non poñer cousas enriba del (libros, mochila...)
- Non poñelo onde poida caer e estragarse.
- Non esquecelo ou deixalo no autobús ou noutra aula...
- Cando o teñan posto a cargar na casa ou traballen co cargador posto, ollo con tropezar no cable.